मङ्गलबार , २ भदौ,

 

सौन्दर्य, प्रतिभा, आत्मविश्वास, व्यक्तित्व र सिर्जनशीलताको भव्य उत्सवका रूपमा आयोजना गरिएको ‘मिस ग्रान्ड नेपाल २०२६’ को ग्रान्ड फिनालेमा सुस्मिता बोम्जनले प्रतिष्ठित ‘मिस ग्रान्ड नेपाल २०२६’ को ताज जितेकी छन्। आरके इन्टरटेनमेन्ट ग्रुपको आयोजनामा सम्पन्न प्रतियोगिताले नेपाली युवतीहरूमा रहेको प्रतिभा र आत्मविश्वासलाई राष्ट्रिय तथा अन्तर्राष्ट्रिय मञ्चमा पुर्‍याउने उद्देश्यसहित भव्य रूपमा आयोजना गरिएको थियो।

 

प्रतियोगिताका विभिन्न चरणमा उत्कृष्ट प्रदर्शन गर्दै सुस्मिता बोम्जनले निर्णायकहरूको मूल्यांकनमा आफूलाई अब्बल साबित गरिन्। उनको आत्मविश्वास, आकर्षक व्यक्तित्व, मञ्चीय प्रस्तुति, प्रतिभा तथा प्रश्नोत्तर चरणमा देखिएको प्रभावशाली अभिव्यक्तिले उनलाई ‘मिस ग्रान्ड नेपाल २०२६’ को मुख्य ताज जिताउ जित्न सफल बनेकी हुन्। 

 

सुस्मिता बोम्जनलाई आकर्षक पुरस्कार-मुख्य विजेता सुस्मिता बोम्जनले ताजसँगै विभिन्न आकर्षक पुरस्कार तथा अवसर प्राप्त गरेकी छन्। उनलाई: रु. २५ हजार नगद पुरस्कार,सुनौलो थाङ्का,विशेष उपहार सामग्री ,एक वर्षको मोडलिङ सम्झौता,अन्तर्राष्ट्रिय हवाई टिकट, नेपालको प्रतिनिधित्व गर्ने अवसर तथा अन्य विशेष अवसर र सम्मान प्रदान गरिएको छ।

 

अब सुस्मिता बोम्जनले अन्तर्राष्ट्रिय सौन्दर्य प्रतियोगितामा नेपालको प्रतिनिधित्व गर्दै नेपाली कला, संस्कृति, पर्यटन र नेपाली युवतीहरूको प्रतिभालाई विश्वसामु प्रस्तुत गर्ने अवसर पाउनेछिन्।

 

अरुणिमा दाहालले जितिन् ‘मिस ग्रान्ड युनिभर्स’प्रतियोगितामा अरुणिमा दाहालले पनि महत्वपूर्ण सफलता हासिल गर्दै ‘मिस ग्रान्ड युनिभर्स’ को उपाधि आफ्नो नाममा लेखाएकी छन्। प्रतियोगितामा उत्कृष्ट प्रस्तुति र आत्मविश्वास प्रदर्शन गरेकी अरुणिमाले पुरस्कारस्वरूप: रु. १५ हजार नगद पुरस्कार

सुनौलो थाङ्का उपहार सामग्री, भिडियोमा अभिनय गर्ने अवसर मोडलिङका अवसर तथा अन्य विशेष पुरस्कार प्राप्त गरेकी छन्। अरुणिमाको यो उपलब्धिले उनलाई नेपाली फेसन तथा मनोरञ्जन क्षेत्रमा थप अवसरको ढोका खोल्ने अपेक्षा गरिएको छ।साथै अन्तर्राष्ट्रिय सौन्दर्य प्रतियोगितामा नेपालको प्रतिनिधित्व गर्दै नेपाली कला, संस्कृति, पर्यटन र नेपाली युवतीहरूको प्रतिभालाई विश्वसामु प्रस्तुत गर्ने अवसर पाउनेछिन्।

 

आयशा राउत बनिन् ‘मिस ग्रान्ड अर्थ’ प्रतियोगिताको अर्को महत्वपूर्ण उपाधि आयशा राउतले जितेकी छन्। उनले ‘मिस ग्रान्ड अर्थ’ को उपाधि हासिल गर्दै प्रतियोगितामा आफ्नो छुट्टै पहिचान बनाउन सफल भएकी छन्। आयशा राउतलाई: रु. १० हजार नगद पुरस्कार उपहार सामग्री सुनौलो थाङ्का मोडलिङको अवसर संगीत भिडियोमा काम गर्ने अवसर तथा अन्य विशेष पुरस्कारप्रदान गरिएको छ। ‘मिस ग्रान्ड अर्थ’ उपाधिमार्फत आयशाले सौन्दर्यसँगै प्रकृति, वातावरण तथा सामाजिक जिम्मेवारीका विषयमा समेत आफ्नो आवाज प्रस्तुत गर्ने अवसर को साथै अन्तर्राष्ट्रिय सौन्दर्य प्रतियोगितामा नेपालको प्रतिनिधित्व गर्दै नेपाली कला, संस्कृति, पर्यटन र नेपाली युवतीहरूको प्रतिभालाई विश्वसामु प्रस्तुत गर्ने अवसर पाउनेछिन्।

 

प्रदेशस्तरीय विजेताहरूको घोषणा ‘मिस ग्रान्ड नेपाल २०२६’ मा राष्ट्रिय उपाधिसँगै विभिन्न प्रदेश तथा क्षेत्रका प्रतिभाशाली प्रतियोगीहरूलाई पनि विशेष उपाधि प्रदान गरिएको छ। दीप्ति झा — ‘मिस ग्रान्ड मधेश प्रदेश’ दीप्ति झाले ‘मिस ग्रान्ड मधेश प्रदेश’ को उपाधि जितेकी छन्। उनले मधेश प्रदेशको प्रतिनिधित्व गर्दै प्रतियोगितामा उत्कृष्ट प्रस्तुति दिएकी थिइन्।

 

सबिना सेन्चुरी — ‘मिस ग्रान्ड बागमती प्रदेश’ सबिना सेन्चुरीले ‘मिस ग्रान्ड बागमती प्रदेश’ को उपाधि हासिल गरेकी छन्। उनको आत्मविश्वास र आकर्षक मञ्चीय प्रस्तुतिले उनलाई प्रादेशिक विजेता बन्न सफल बनायो।

 

ओमकला माझी — ‘मिस ग्रान्ड कोशी प्रदेश’ ओमकला माझीले ‘मिस ग्रान्ड कोशी प्रदेश’ को उपाधि जितेकी छन्। उनले कोशी प्रदेशको प्रतिनिधित्व गर्दै आफ्नो प्रतिभा प्रस्तुत गरेकी थिइन्।

 

ग्रिष्मा चौधरी — ‘मिस ग्रान्ड पूर्वाञ्चल’ ग्रिष्मा चौधरीले ‘मिस ग्रान्ड पूर्वाञ्चल’ को उपाधि हासिल गरेकी छन्। उनको प्रस्तुति र आत्मविश्वासले निर्णायक तथा दर्शकको ध्यान आकर्षित गरेको थियो।

 

विशेष उपाधिमा पनि उत्कृष्ट प्रतिभाको सम्मान प्रतियोगितामा मुख्य तथा प्रादेशिक उपाधिसँगै प्रतियोगीहरूको व्यक्तित्व र व्यवहारका आधारमा विभिन्न विशेष उपाधि पनि प्रदान गरिएको थियो।

 

सैलेजा लिम्बु — ‘मिस चार्मिङ’ सैलेजा लिम्बुले आफ्नो आकर्षक व्यक्तित्व, आत्मविश्वास, मुस्कान तथा प्रभावशाली प्रस्तुतिका कारण ‘मिस चार्मिङ’ को विशेष उपाधि जितेकी छन्।

 

अलिजा तिमल्सिना — ‘मिस फ्रेन्डली’अलिजा तिमल्सिनाले प्रतियोगिताको अवधिभर सहप्रतियोगीहरूसँग देखाएको मित्रवत् व्यवहार, सकारात्मक सोच र सहयोगी भावनाका कारण ‘मिस फ्रेन्डली’ को उपाधि प्राप्त गरेकी छन्।

 

निर्णायक मण्डलमा अनुभवी व्यक्तित्व ‘मिस ग्रान्ड नेपाल २०२६’ को विजेता छनोटमा अनुभवी तथा विभिन्न क्षेत्रमा सक्रिय व्यक्तित्वहरूको निर्णायक मण्डल रहेको थियो। प्रतियोगिताको निर्णायक मण्डलमा: लक्ष्मण पोखरेल,शुष्मी कँडेल(सक्सेज), नबिना लुइँटेल, अश्विनी कोइराला रहेका थिए। निर्णायकहरूले प्रतियोगीहरूको सौन्दर्य, व्यक्तित्व, आत्मविश्वास, प्रतिभा, सञ्चार क्षमता, मञ्चीय प्रस्तुति तथा प्रश्नोत्तर क्षमता लगायत विभिन्न पक्षलाई आधार बनाएर मूल्यांकन गरेका थिए।

 

कार्यक्रमका अध्यक्ष राजु श्रेष्ठ ‘मिस ग्रान्ड नेपाल २०२६’ का कार्यक्रम अध्यक्ष राजु श्रेष्ठ रहेका थिए। उनको नेतृत्वमा सम्पन्न कार्यक्रमले नेपाली सौन्दर्य तथा मनोरञ्जन क्षेत्रमा नयाँ प्रतिभालाई अवसर प्रदान गर्ने उद्देश्यलाई प्राथमिकता दिएको थियो। राजु श्रेष्ठका अनुसार सौन्दर्य प्रतियोगिता केवल ताज जित्ने प्रतिस्पर्धा मात्र नभई आत्मविश्वास, नेतृत्व क्षमता, प्रतिभा, व्यक्तित्व विकास र अन्तर्राष्ट्रिय अवसर प्राप्त गर्ने माध्यम पनि हो। उनले नेपाली युवतीहरूलाई राष्ट्रिय तथा अन्तर्राष्ट्रिय मञ्चमा आफ्नो क्षमता प्रदर्शन गर्ने अवसर उपलब्ध गराउने उद्देश्यले यस्ता कार्यक्रमलाई निरन्तरता दिइने बताएका छन्।

 

आरके इन्टरटेनमेन्ट ग्रुपको गौरवपूर्ण प्रस्तुति आरके इन्टरटेनमेन्ट ग्रुपको प्रस्तुतिमा सम्पन्न ‘मिस ग्रान्ड नेपाल २०२६’ नेपाली फेसन, मोडलिङ, सौन्दर्य प्रतियोगिता तथा मनोरञ्जन क्षेत्रका लागि महत्वपूर्ण कार्यक्रमका रूपमा सम्पन्न भएको छ। प्रतियोगिताले नयाँ पुस्ताका प्रतिभाशाली युवतीहरूलाई आफ्नो क्षमता प्रस्तुत गर्ने अवसर मात्र दिएन, उनीहरूलाई मोडलिङ, संगीत भिडियो, विज्ञापन, मनोरञ्जन तथा अन्तर्राष्ट्रिय सौन्दर्य प्रतियोगितासम्म पुग्ने बाटोसमेत खोलिदिएको छ। मुख्य विजेता सुस्मिता बोम्जनसहित अरुणिमा दाहाल, आयशा राउत, विभिन्न प्रदेशका विजेता तथा विशेष उपाधि विजेताहरूले अब नेपाली मनोरञ्जन तथा सौन्दर्य क्षेत्रमा आफ्नो नयाँ यात्रा सुरु गर्नेछन्।

 

एक ताज, अनेक सपना — अन्तर्राष्ट्रिय यात्रातर्फ नेपाली प्रतिभा ‘मिस ग्रान्ड नेपाल २०२६’ ले नेपाली सौन्दर्य, संस्कृति, प्रतिभा, आत्मविश्वास र सिर्जनशीलतालाई राष्ट्रिय तथा अन्तर्राष्ट्रिय मञ्चमा पुर्‍याउने नयाँ अध्याय सुरु गरेको छ।सुस्मिता बोम्जनको ताजसँगै सुरु भएको यो यात्रा अब नेपालका विभिन्न प्रतिभाशाली युवतीहरूको अन्तर्राष्ट्रिय सपनातर्फ अघि बढेको छ।